चितवन आइपुगे रवि, बिहान १० बजे अदालत उपस्थित हुने

चितवन, माघ २३-

राष्ट्रिय स्वतन्त्र पार्टीका सभापति रवि लामिछाने चितवन जिल्ला अदालतमा बयान दिनका लागि चितवन आइपुगेका छन् । लामिछाने गएराति नै स्थलमार्ग हुँदै चितवन आएका हुन् ।

रवि आज बिहान १० बजे बयानका लागि अदालतमा उपस्थित हुने रास्वपा स्रोतले जानकारी दियो ।

साहारा चितवन बहुउद्देश्यीय सहकारी संस्था लिमिटेडको रकम हिनामिना गरेको अभियोगमा जिल्ला सरकारी वकीलको कार्यालय चितवनले हिजो रविसहित १५ जना व्यक्ति र छ वटा कम्पनी विरुद्ध अदालतमा पुरक अभियोग दायर गरेको थियो ।