बेलायतमा रहेका कोइराला र पूर्व बिदेशमन्त्री जेम्स क्लेभर्लीबिच भेटवार्ता

बेलायत भ्रमणमा रहेका नेपाली कांग्रेसका नेता डा शेखर कोइरालाले संसद् भवन (हाउस अफ कमन्स)मा कन्जरभेटिभ पार्टीका नेता एवं बेलायतका पूर्व बिदेशमन्त्री जेम्स क्लेभर्लीसँग भेटवार्ता गरेका छन् ।

भेटमा कोइराला र क्लेभर्लीका बिच नेपाल–बेलायत सम्बन्ध, आपसी सहयोग जस्ता विषयमा कुराकानी भएको बताइएको छ । कोइराला नेपालमा बेलायती सहयोगमार्फत बनेका आयोजनामा थप सहयोगका निम्ति आग्रह गरे ।

यसअघि कोइरालाले तत्कालीन अनमिनका नेपाल प्रमुख ईयान मार्टीनसँग लण्डनमा भेट गरेका थिए । मार्टीनले नेपालको शान्ति प्रक्रियामा महत्त्वपूर्ण भूमिका खेलेका थिए ।

कोइरालाको सचिवालयले दिएको जानकारी अनुसार भेटघाटका क्रममा मार्टीनले अहिले पनि नेपालको शान्ति प्रक्रिया अझै नटुङ्गिएकोले जतिसक्दो छिटो यसलाई टुङ्ग्याउन सुझाव दिएका छन् ।