सट्टेबाजी र म्याच फिक्सिङ्ग गरे टिम खारेज देखि खेलाडीलाई आजिबन प्रतिबन्ध हुन सक्छ : अनिल अधिकारी

चितवन । यही मंसिर १५ गते बाट काठमाडौं मा हुन गैरहेको क्रिकेटको नेपाल प्रिमियर लिग (एनपिएल) प्रख्यात खेलकुद च्यानल स्टार स्पोर्ट्स बाट प्रसारण हुने भएको छ । यसले नेपाली खेल क्षेत्र तथा क्रिकेटप्रेमीमा छुट्टै उत्साह छाएको छ । उक्त लिगमा नेपालका आठ प्रसिद्ध ब्यापारिक घराना हरुले ८ शहरहरुको नाम बाट करोडौ लगानी गरेर टिम खरिद गरेपछि नेपाली प्रिृमियर लिग(एनपिएल) नेपालकै सबै भन्दा धेरै लगानी गरिएको खेल प्रतियोगिता भएको छ

कोशी प्रदेशबाट बिराटनगर किङ्स, ,मधेस प्रदेशबाट जनकपुर बोल्ट्स ,बाग्मती प्रदेश बाट चितवन राइनोज र काठमाडौं गुर्खाज ,गण्डकी प्रदेशबाट पोखरा एभेन्जर्स ,लुम्बिनी प्रदेशबाट लुम्बिनी ,कर्णाली प्रदेशबाट कर्णाली याक्स र सुदुर पश्चिम प्रदेशबाट सुदुर पश्चिम रोयल्स गरी ८ टिमबीच प्रतिस्पर्धा हुने भएको छ ।

जीतलाई आफ्नो पक्षमा पार्न यी टिमहरुले विदेशी खेलाडी र राष्ट्रिय स्तरका खेलाडीहरुलाई लाखौं रकम खर्च गरेर प्रतियोगितामा अनुबन्धित गरेका छन । झट्ट हेर्दा खेल स्वस्थ प्रतियोगिता रहेपनि यसको अध्यारो पाटो भने बेग्लै छ । खेलको माध्यमबाट खेलाडी तथा राष्ट्रलाई चिनाउने माध्यम भएपनि पछिल्लो समय सट्टेबाजी र फिक्सिङ्गबाट करौंडो रकम कमाउने धन्दा नौलो बिषय होइन । विदेशमा यसले नराम्ररी जरा गाडेपनि यसको प्रत्यक्ष प्र्रभाव नेपाली खेलजगतमा पनि परेको छ । नेपाल क्रिकेट महासंघ बाग्मती प्रदेशका निर्देशक अनिल अधिकारी सट्टेबाजी र फिक्सिङ्ग कारण नेपाली खेलजगत पनि अछुतो नभएको तर्क गर्छन । ‘अहिले इन्टरनेटबाट सट्टेबाजी र फिक्सिङ्ग गरेर खेल जगतलाईनै बदनाम हुने जुन प्रवित्तिको विकास भएको छ, अधिकारी भन्छन, यस्ता गैरकानुनी कार्यले समग्र देशको, नेपालीको प्रतिष्ठा र आत्मसम्मान माथि ठुलो आघात पुगेको छ ।’

ठूला व्यापारिक घरानाले आफ्ना व्यापार व्यवसायको प्रर्वद्धन तथा संस्थागत सामाजिक उत्तरदायित्व बहन गरेको भनिएपनि यसको लुकेको पाटो भने अर्कै हुनसक्ने क्रिकेट खेलका जानकारहरु बताउंँछन ।

कानुनी रुपमा अवैधानिक वनएक्सवेट जस्ता सट्टेबाजीका कारण देशका करौडौं रकम अवैधानिक रुपमा बाहिर जाने जानकारहरुको भनाई छ । ‘यस्तो प्रतियोगितामा फिक्सिङ्ग र सट्टेबाजी हुनु गम्भिर अपराध हो, यस्ता गर्ने जो कोही टिम पनि खारेज हुने र खेलाडी आजिबन खेल्न प्रतिबन्ध हुन सक्छ ।’ अधिकारीले भने ।यसको अनुगमन , नियमन र यसबारे अलग्गै संयन्त्र छ । नेपाल क्रिकेट संघले फिक्सिङ तथा सट्टेबाजी रोक्न बिभिन्न अनुगमन समिती र नेपाल प्रहरीको अपराध अनुसन्धान बिभाग सँग समान्बय गरी पूर्व प्रहरी उपरिक्षक ईश्वर बाबु कार्की सयोजकत्वमा सातै प्रदेशमा समिति बनाएको छ ।
समितीको काम कारवाही बारे अधिकारी भन्छन, ‘चितवन राइनोज र काठमाडौं गुर्खाजको अनुगमन को जिम्मा पाएको बाग्मती प्रदेश क्रिकेट संघले पाएको छ ।े फिक्सिङ तथा सट्टेबाजी भएको पाईएमा हामी कुनैपनि हालतमा छाड्दैनौं । हामी हाम्रो अधिकार र जिम्मेवारीबाट कदापी विचलित हुंँदैनौ ।

नेपाली क्रिकेटमा अघिल्लो पटक भएको नेपाल सुपर लिगमा अनुगमनको काम गरिसकेका अधिकारी कुनै पनि प्रकारका फिक्सिङ तथा सट्टेबाजीका बिषयमा कानून र नियमहरु अत्यन्त कडा भएकोले टिम मालिक, व्यबस्थापक र खेलाडीहरु आफै सजग हुन पर्ने सुझाव दिन्छन ।सट्टेबाजहरुले टिमको कुनै पनि खेलाडी वा ब्यबस्थापकलाई लक्षित गर्दै र मित्रता बढाउदै बिभिन्न सुचना र जानकारी लिएर त्यही सुचना र जानकारी को लागी पनि लाखौ करोडौ को बाजी राख्न सक्ने भएकोले खेलको दौरानमा सबैजना नेपाल क्रिकेट संघको कडा निगरानीमा हुने अधिकारीले बताए ।खेलाडीहरुले प्रशिक्षण र प्रतियोगिता को दौरानमा आफै सजग भएर आफु सँग परिचित ब्यक्ति साथीहरु सँग सजगता अपनाउनु पर्ने हुन्छ ।

बिभिन्न समाजिक सञ्जालहरु बाट सट्टेबाजी भैरहेको अवस्थामा नेपाली प्रिमियर लिग लाई सट्टेबाजी र मिलेमतो बाट जोगाउन कडा कदम को रुपमा टिम खारेजी,जरिवाना देखि खेलाडी हरु माथी आजिबन प्रतिबन्ध हुन सक्ने निर्देशक अधिकारीको भनाई छ ।