दुई जना विदेशी पर्यटकलाई घुमाउन हिडिरहेका व्यक्ति गैँडाले आक्रमण गर्दा घाइते

चितवनमा आज (शनिबार) गैँडाले आक्रमण गर्दा एक व्यक्ति घाइते भएका छन्। जिल्ला प्रहरी कार्यालय चितवनका अनुसार, भरतपुर महानगरपालिका-२७ मेघौलीका २८ वर्षीय जग बहादुर माझि गैँडाको आक्रमणबाट घाइते भएका हुन्।

प्रहरीका अनुसार, बिहान ९ बजे माझि दुई जना विदेशी पर्यटकलाई घुमाउन हिडिरहेका थिए, त्यस बेला गैँडाले अचानक आक्रमण गरेको हो। आक्रमणबाट माझिको पेटमा चोट लागेको छ। उनलाई भरतपुर सरकारी अस्पतालमा उपचार भइरहेको छ, र उनको अवस्था मध्यम बताइएको छ।

घटनामा विदेशी नागरिक सुरक्षित रहेका छन्। प्रहरीले घटनाबारे थप अनुसन्धान भइरहेको जनाएको छ।