कांग्रेस बागमती प्रदेश संसदीय दलको सचेतकमा गोविन्द लम्साल नियुक्त

हेटौंडा, १७ कात्तिक । नेपाली कांग्रेस बागमती प्रदेश संसदीय दलको सचेतकमा गोविन्द लम्साल नियुक्त भएका छन् ।

नेपाली कांग्रेस संसदीय दलका नेता बहादुर सिं लामाले लम्साललाई संसदीय दलको सचेतकमा नियुक्त गरेका हुन् । कांग्रेस प्रदेश सभा संसदीय दलको विधान २०७४ को धारा ११ को उपधारा (१) बमोजिम लामाले लम्साललाई संसदीय दलको प्रमुख सचेतकमा नियुक्त गरेका छन् ।

लम्साल धादिङको प्रतिनिधिसभा क्षेत्र नं २ अन्तर्गत प्रदेश सभा (क) बाट निर्वाचित प्रदेश सांसद हुन् ।

बागमती प्रदेशमा कांग्रेस संसदीय दलको प्रमुख सचेतकबाट कुन्दनराज काफ्लेले राजीनामा दिएपछि उक्त पद रिक्त थियो ।