सार्वजनिक बिदामा खुल्ने विद्यालयलाई महानगरले कारबाही गर्ने

काठमाडौं, भदौ १६–:काठमाडौं महानगरपालिकाले सावजनिक विदाका दिनमा खुलेका विद्यालयलाई कारबाही गर्ने भएको छ।

महानगरले आफ्नो निर्णय उल्लंघन गर्दै बिदा नदिएको विषयमा गम्भीर ध्यानाकर्षण भएको जनाएको छ। स्थानीय सरकारले गरेको निर्णय पालना नगरेमा प्रचलित कानूनबमोजिम कारबाही हुने महानगरका शिक्षा अधिकारी सीताराम कोइरालाले जारी गरेको विज्ञप्तिमा उल्लेख छ।

महानगरले स्थानीय सरकारले गरेको निर्णय अनिवार्य रुपमा पालना गर्न सबैमा अनुरोध पनि गरेको छ । महानरको निर्णय विपरीत काम गरेमा प्रचलित कानूनबमोजिम कारबाही हुने सूचनामा भनिएको छ ।

सापारु र रोपाइँ जात्राको अवसरमा महानगरले शुक्रबार सार्वजनिक बिदा दिएको थियो ।