सडकमै रोकिराखिएको टिपरको पछाडि माइक्रो बस ठोक्किँदा १६ जना यात्रु घाइते

चितवन – नारायणगढ-मुग्लिन सडककाे भरतपुर महानगरपालिका- २९ सिमलतालमा आइतबार सडकमै रोकिराखिएको टिपरको पछाडि माइक्रो बस ठोक्किँदा १६ जना यात्रु घाइते भएका छन् । दुर्घटनामा घाइतेमध्ये दुई जनाकाे अवस्था गम्भीर रहेकाे र बाँकी १४ जनाकाे अवस्था मध्यम रहेका घाइतेहरूको चितवनका विभिन्न अस्पतालमा उपचार भइरहेको छ

आइतबार दिउँसो ४ बजेर ४५ मिनेटमा दुर्घटना भएको चितवन जिल्ला प्रहरी कार्यालयका प्रवक्ता डीएसपी विजयराज पण्डितले जानकारी दिए ।

डीएसपी पण्डितका अनुसार नारायणगढबाट काठमाडाैंतर्फ जाँदै गरेकाे बा ३ ख ५८९१ नम्बरकाे माइक्राे बस ना ६ ख ४४९० नम्बरकाे टिपरकाे पछाडि ठाेक्किएकाे थियाे ।