सिटौला समूह बाट टुंग्याइयो मन्त्रीको नाम, गगन पार्लान त ?

साउन, काठमाडौँ । नेपाली काँग्रेसले अहिले सम्म पनि मन्त्रीको नाम टुंगो लगाउन सकेको छैन। प्रधानमन्त्री तथा सभापति देउवाको निवास बूढानिलकण्ठमा पटक-पटक बसेको पदाधिकारी बैठकले पनि मन्त्रीको नाम टुंगो लगाउन सकेको छैन ।

बैठकमा मन्त्रालय बाडफाडको विषयमा छलफल भएको छ । रामचन्द्र पौडेल समूह र कृष्णप्रसाद सिटौला समूहलाई कति मन्त्रालय दिने भन्ने विषयमा छलफल भएको स्रोतले बतायो।

रामचन्द्र पौडेल समूहलाई ३ मनत्रालय दिएको छ। सत्ता गठवन्धनको अर्को दल एमालेको माधव नेपाल समूह भने तत्काल सरकारमा सहभागी नहुने भएको छ । सरकारमा जानेबारे सो समूहभित्रै दुईथरि धारणा आएपछि तत्काल सरकारमा नजाने भएको हो ।

नेपाल समूहका नेता तथा सांसद विरोध खतिवडाले तत्काल सरकारमा नजाने जानकारी दिनुभयो ।

नेपाल समूह सरकारमा सहभागी नहुने भएपछि सरकारी तथा संवैधानिक नियुक्तिमा उसलाई अधिकतम अवसर दिन गठवन्धनका दलहरु सहमत भएको बुझिएको छ ।

यसअघि प्रधानमन्त्री देउवा र माओवादी केन्द्रका अध्यक्ष पुष्पकमल दाहाल प्रचण्डले एमाले बरिष्ठ नेता माधव नेपाललाई सरकारमा सहभागी हुन आग्रह गर्दै आउनुभएको थियो ।

सत्तारुढ गठबन्धनले मन्त्रिपरिषदलाई पूर्णता दिने भएको छ । विहीबार बसेको सत्तारुढ गठबन्धनका नेताहरुको छलफलमा माधव नेपाल पक्षविनै मन्त्रिपरिषदलाई पूर्णता दिने सहमति भएको हो ।

एमाले वरिष्ठ नेता माधव नेपालको सहभागिताविनै मन्त्रिपरिषदलाई पूर्णता दिइएको छ । स्रोतका अनुसार नेपाल पक्षलाई सरकारी तथा संवैधानिक नियुक्तिमा अधिकतम अवसर दिने गरी काँग्रेस र माओवादी र जनता समाजवादी पार्टीले मन्त्रालयको भागबण्डा मिलाएका छन् ।

विहीबार बिहान बसेको शीर्ष नेताहरुको बैठकले काँग्रेसले प्रधानमन्त्रीसहित ८, माओवादी केन्द्रले ७ र जसपाले ७ मन्त्रालय पाउनुपर्ने प्रारम्भिक खाका तयार पारिएको स्रोतले बतायो ।

उनका अनुसार बाँकी तीन राज्यमन्त्री बनाइने छ । कुन मन्त्रालय कसले पाउने भन्ने विषयमा पनि सामान्य छलफल भएको स्रोतको भनाइ छ । तर, मन्त्रालयगत भागबण्डा बाहिर नल्याउने सहमति भएको भन्दै स्रोतले खोल्न चाहेन ।

राज्यमन्त्रीमा कसलाई कति भन्ने टुंगो लागेको छ । गठबन्धनका शीर्ष नेताहरुको गोप्य बैठकपछि काँग्रेस र जसपाको बैठक बस्दैछ । काँग्रेस पदाधिकारी बैठक दिउँसो २ बजे सभापति शेरबहादुर देउवाको निवास बूढानीलकण्ठमा बस्दैछ ।

पावर सेयरिङ मिलाउनका लागि काँग्रेसबाट वरिष्ठ नेता रामचन्द्र पौडेल, नेता कृष्णप्रसाद सिटौला र महामन्त्री पूर्णबहादुर खड्कालाई खटाएका छन् ।

सिटौला पक्षबाट गगन थापा, उमाकान्त चौधरी र भीमसेनदास प्रधान मन्त्री बन्ने लाइनमा देखिन्छन् ।