सुजिता भण्डारी घटना छानबिनको माग गर्दै : राजमार्ग अवरुद्ध, प्रहरीविरुद्ध नारावाजी

चितवन । राप्ती नगरपालिका-३ निवासी २३ वर्षीया सुजिता भण्डारीको शव गयराती फेला परेपछि स्थानीयहरुले घटना छानबिनको माग गर्दै अहिले पूर्व-पश्चिम राजमार्ग अवरुद्ध गरेका छन् ।
आज प्रहरीले शवलाई अस्पताल लैजान लागेका बेला आफन्त र स्थानीयवासीले नाराबाजी गर्दै पूर्वपश्चिम राजमार्ग अवरुद्ध गरेका हुन् ।
स्थानीयवासीले युवती हराएको १० दिनसम्म पनि प्रहरीले घटनाबारे गम्भीर अनुसन्धान नगरेको भन्दै प्रहरीविरुद्ध नारावाजी गर्दै राजमार्ग बन्द गरेका हुन् ।
स्थानीयवासीको अबरोधले राजमार्ग क्षेत्र तनावग्रस्त रहेको छ । स्थानीयवासीले ट्रक बाटोमा तेर्साएर सडक अवरुद्ध गरेको छन् ।
असार ११ गते बिहान ६ बजे साथीको घर जाने भनेर हिँडेकी सुजिता सोही दिनदेखि हराएकी थिइन् । उनले सोही दिन १२ बजे दिदीलाई फोन गरेर अपहरणमा परेको बताएको परिवारका सदस्यले बताउँदै आएका छन् ।

केहि दिन अगाडी किड्न्याप भएकी भनिएकी राप्ती नगरपालिका वडा नं. ३ की सुजिता भण्डारीको लास वडा नं. ३ को धमिलीमा रहेको बम्हस्थानि सामुुदायिक वनमा भण्डारीको लास फेला परेको हो । उनका परिवारका सदस्यले लासको पहिचान गरेपछि भण्डारीको लास रहेको भन्ने प्रमाण भएको थियो ।

हिजो दिउसो प्रहरीले त्यहा लास रहेको जानकारी पाएपछि टोलि लिएर सो स्थानमा पुगेको थियो । प्रहरी त्यहा पुग्दा लासको अवस्था चिन्न नसकिने , सडेको र गलेको अवस्थामा रहेको थियो । वनको विचमा एउटा झ्याङमा अड्किएको अवस्थामा लास रहेको थियो । स्थानिय जनप्रतिनिधि , प्रहरी र स्थानियको टोलिले लास पुरा सडे गलेको अवस्थामा भेटेका थिए । शरिरमा कपडा रहेको र कसैले मारेर फ्याकेको हुन सक्ने प्रहरीले बताएको छ ।