कस्तो छ नेपालमा कोरोना संक्रमणको जिल्लागत स्थिति बिबरण सहित

भदौ, काठमाडौँ । सोमबार अर्थात भदौ १ गते देशभर ५ सय ८१ जनामा कोरोना संक्रमित पुष्टि भयो । हालसम्म २७ हजार २ सय ४१ जनामा संक्रमण देखिएको छ। जसमध्ये १७ हजार ४ सय ९५ जना निको भएर घर फर्किसकेका छन्। ९ हजार ६ सय ३९ जना संक्रमित उपचाररत छन् भने १०७ जनाको मृत्यु भइसकेको छ।

स्वास्थ्य मन्त्रालयका अनुसार ७२ जिल्लामा सक्रिय कोरोना संक्रमित देखिएका छन् भने ५ जिल्लामा नयाँ संक्रमित भेटिएका छैनन्।

पछिल्लो केही साता यता संक्रमितको संख्या ह्वात्तै बढ्न थालेको छ। संक्रमण समुदायमा फैलिँदै गर्दा विभिन्न जिल्लाले आ–आफ्नो क्षेत्र निषेधाज्ञा गरिरहेका छन्। योसँगै लकडाउन खुलेको घोषणा गरेको सरकारले उपत्यका प्रवेशमा समेत रोक लगाएको छ।

संक्रमण दिनप्रतिदिन बढ्दै जाने क्रममा संक्रमणले महामारीको रुप नलियोस् भन्ने हेतुले नाकाहरुमा कडाई गरिएको मन्त्रालयले बताएको छ।
यस्तै प्रदेशगत रुपमा कुन–कुन जिल्लामा कति संक्रमित भए, सक्रिय संक्रमित कति छन्, कहाँ कति डिस्चार्ज भए र कतिको मृत्यु भयो? विवरण यस्तो रहेको छ।

प्रदेश १ः भदौ १ गतेसम्म प्रदेश १ मा २ हजार १ सय ५४ जनामा संक्रमण देखिएको छ। जसमध्ये १ हजार १ सय १२ जना संक्रमित निको भएर घर फर्किसकेका छन् भने १ हजार ३२ जना संक्रमितको उपचार भइरहेको छ।

यो प्रदेशमा हालसम्म १० जनाको मृत्यु भइसकेको छ। संक्रमणबाट ज्यान गुमाउने १० जनै मोरङ जिल्लाका रहेका छन्।

प्रदेश १ को जिल्लागत विवरण

प्रदेश २ः सबैभन्दा धेरै कोरोना संक्रमण फैलिएको क्षेत्र हो, प्रदेश २। जहाँ ७ हजार ७ सय ९५ जनामा संक्रमण पुष्टि भइसकेको छ।

संक्रमण देखिएका मध्ये ३ हजार ७ सय १० जना निको भएर घर फर्किसकेका छन् भने ४ हजार ३६ जना संक्रमितको उपचार भइरहेको छ। हालसम्म यो प्रदेशमा संक्रमणका कारण ४८ जनाको मृत्यु भइसकेको छ।

प्रदेश २ मा सबै भन्दा धेरै ज्यान गुमाउने पर्साका २१ जना र धनुषाका १० जना रहेका छन्। ४८ जना मृतकको संख्या अन्य प्रदेश भन्दा बढी हुँदा प्रदेश २ पहिलो स्थानमा रहेको छ।

प्रदेश २ को जिल्लागत विवरण

बाग्मती प्रदेशः बागमती प्रदेशमा हालसम्म ३ हजार ४९ जनामा संक्रमण पुष्टि भइसकेको छ। जसमध्ये २ हजार ३ सय २९ जना संक्रमितको उपचार भइरहेको छ भने ७ सय २ जना निको भएर घर फर्किसकेका छन्।

यो प्रदेशमा १८ जनाको मृत्यु भइसकेको छ। प्रदेशका १३ जिल्ला मध्ये काठमाडौँमा सबै भन्दा धेरै संक्रमण देखिएको छ। लकडाउन खुलेसँगै काठमाडौँ उपत्यकामा संक्रमितको संख्या दिन प्रति दिन बढ्दो छ।

बाग्मती प्रदेशको जिल्लागत विवरण

गण्डकी प्रदेशः यहाँ हालसम्म १ हजार ८ सय ३५ जनामा संक्रमण देखिएको छ। जसमध्ये २ सय ९७ जना संक्रमितको उपचार भइरहेको छ भने १ हजार ५ सय ३२ जना संक्रमणमुक्त भएर घर फर्किएका छन्।

यो प्रदेशमा हालसम्म संक्रमणका कारण ६ जनाको मृत्यु भइसकेको छ।

गण्डकी प्रदेशको जिल्लागत विवरण

प्रदेश ५ः प्रदेश २ पछि सबै भन्दा बढी संक्रमित देखिएको प्रदेश हो, प्रदेश ५। यो प्रदेशमा हालसम्म ४ हजार २ सय ८९ जनामा संक्रमण पुष्टि भएको छ।

जसमध्ये ४ हजार २ सय ८९ जना संक्रमित निको भइसकेका छन् भने ९ सय १० जनाको उपचार भइरहेको छ। अहिलेसम्म यो प्रदेशमा १३ जना संक्रमितको मृत्यु भइसकेको छ।

प्रदेश ५ को जिल्लागत विवरण

कर्णाली प्रदेशः हालसम्म २ हजार १ सय ७० जनामा संक्रमण देखिएको कर्णाली प्रदेशमा २ सय २३ जना संक्रमितको उपचार भइरहेको छ।
यहाँ १ हजार ९ सय ४३ जना संत्रमित संक्रमणमुक्त भइसकेका छन् भने ४ जानको मृत्यु भइसकेको छ।

कर्णाली प्रदेशको जिल्लागत विवरण

सुदूरपश्चिम प्रदेशः संक्रमित धेरै भएका प्रदेशहरु मध्ये सुदूरपश्चिम प्रदेश तेस्रो स्थानमा छ। यो प्रदेशमा हालसम्म ५ हजार २६ जनामा संक्रमित भएका छन् भने ४ हजार २ सय ७ जना निको भएर घर फर्कि सकेका छन्।

यस्तै संक्रमण देखिएका मध्ये ८ सय ११ जनाको उपचार भइरहेको छ। जहाँ ८ जना संक्रमितको मृत्यु भइसकेको छ। संक्रमणका कारण ज्यान गुमाउनेमा कैलालीका मात्रै ४ जना रहेका छन्।

सुदूरपश्चिम प्रदेशको जिल्लागत विवरण

@देश सन्चार