कोरोना अस्पताल चोरी प्रकरण वार्ता निश्कर्ष बिहिन, प्रमुख र उप–प्रमुख दुवै टसकोमस नहुदा कसले बाजीमार्ला भन्नेमा सर्बत्र चासो

जेठ चितवन । चितवनको भरतपुरमा रहेको कोरोना विशेष (अस्थायी) अस्पतालको चोरी प्रकरण थप पेचिलो बन्दै गएको छ । चोरीमा संलग्नहरुलाई कार्वाही गर्ने वा माफि दिने भन्नेमा मत बाझिएपछि यो प्रकरण थप पेचिलो बनेको हो । यसअघि पनि प्रमुख र उप–प्रमुखबीच ठाकठुक परिरहने महानगरमा यसपटक पनि सोहि क्रम दोहोरिएको छ । चोरी प्रकरणको सार्बजनिक प्रमाणका रुपमा रहेको सीसीटीभि फूटेजमा देखिएकालाई कार्वाही गर्न महानगर प्रमुख रेनु दाहाल नमानेपछि उप–प्रमुख पार्वती शाह ठकुरीले त्यसलाई चूनौती दिएकी छिन । अब यस बिषय कसले बाजी मार्लात भनेर सबै तिर यस कुरा लाई लियर बहस हुदै आयको छ।

आ–आफ्ना सहयोगीसहित सोमबार भएको वार्तामा प्रमुख र उप–प्रमुख टसको मस नभएपछि निश्कर्ष निश्कन सकेन । एक वडाध्यक्षका अनुसार वार्ता करिब तीन घण्टा चलेको थियो। अर्को छलफलबाट निश्कर्षमा पुग्ने भन्दै वार्ता सकिएको उनले भरतपुर पोष्टलाई बताए । कांग्रेसबाट निर्वाचित वडाध्यक्षहरुले अस्पतालको चोरी प्रकरणमा नाम जोडिएका महानगरबाट तलव भत्ता खाने कर्मचारीद्वय फणीन्द्र खनाल र सूर्य तिवारीलाई तत्काल निलम्बन गरी छानबिन अघि बढाउन माग गरेका छन ।

कांग्रेस वडाध्यक्षहरुको मागमा महामनगर उप–प्रमुख ठकुरी सहमत छिन भने प्रमुख दाहाल असहमत छिन । उप–प्रमुख ठुकरी चोरी प्रकरणलाई लिएर सडकमा भएका बिरोधध प्रदर्शनमा पनि सहभागी हुदै आएकी छिन । महानगरले गरेको बिभिन्न औपचारिक कार्यक्रमसमेत उप–प्रमुख र काँग्रेसका वडाध्यक्षहरुले बहिस्कार गर्दै आएका छन । सोमबारको वार्ताका क्रममा प्रमुख दाहालले प्रकरणमा जोडिएका दुबैको बचाउ गर्दै उल्टै पुरस्कृत गर्नुपर्ने तर्क गरेको छलफलमा सहभागी अर्का वडाध्यक्षले बताए ।

सोमबार भएको वार्ताका दौरान उप–प्रमुख ठकुरीले आफु संयोजक रहेको समितिको प्रतिवेदन पनि प्रमुख दाहाललाइ हस्तान्तरण गरेकि छिन । गत जेष्ठ ८ गते बनाइएको समितिमा कानूनी सल्लाहकारका रुपमा गोपीलाल देवकोटा, भुपेन्द्रजंग पौडेल र महानगर कानून अधिकृत खगेश्वर अधिकारी सदस्य तोकिएका थिए ।