कोरोना संक्रमणबाट मृत्यु भएका पुरुषको यसरी गरियो अन्तिम संस्कार, पशुपतिस्थित विद्युतिय शवदाह गृहमा (तस्बिर सहित् )

जेठ , काठमाडौँ । कोरोना भाइरसको संक्रमणबाट मृत्यु भएका ललिपुरका ५६ वर्षीय पुरुषको अन्तिम संस्कार गरिएको छ। पशुपतिस्थित विद्युतिय शवदाह गृहमा उनकाे अन्तिम संस्कार गरिएको हो।

ललितपुर महानगरपालिका–२२ बुंगमतीका ५६ वर्षीय पुरुषको कोरोना भाइरसको संक्रमणबाट किष्ट अस्पतालमा बुधबार निधन भएको थियो। कलेजोमा समस्या देखिएको उनी उपचारका लागि किष्ट अस्पताल भर्ना भएका थिए। पीसीआर परीक्षणबाट उनमा कोरोना पुष्टि भएको थियो।

शवदाह गृहमा कर्मचारीहरु नहुँदा केहीबेर अन्तिम संस्कारमा अन्यौल सिर्जना भएको थियो।

केही कर्मचारीहरु क्वारेन्टाइनमा रहेको र भएका कर्मचारी उपस्थित नभएका कारण दाहसंस्कारमा ढिलाई भएको थियो। अन्ततः सुरक्षाकर्मीहरुको पहलमा उनको अन्तिम संस्कार गरिएको हो।