मुग्लिनबाट दारेचोकतर्फ जाँदै गरेको बोलेरो दुर्घटना, नौ जना घाइते

मुग्लिन । इच्छाकामना ५ दारेचोकमा बोलेरो दुर्घटना हुँदा त्यसमा सवार ९ जना घाइते भएका छन् । मुग्लिनबाट दारेचोकतर्फ जाँदै गरेको ना २ च ८४०१ नम्बरको बलेरो आफैँ अनियन्त्रित भई पल्टँदा बोलेरोमा सवार ९ जना घाइते भएका चितवन प्रहरीले जनाएको छ ।

घाइते हुनेहरुमा की ५१ वर्षकी गोमा गुरुङ, वर्ष ७० का सन्तमान गुरुङ, वर्ष ४३ की चन्द्रकुमारी गुरुङ, वर्ष ४३ को सन्त गुरुङ, वर्ष ६१ की देबीमांया गुरुङ, वर्ष ३४ की नानीमांया गुरुङ, वर्ष १४ को रुपेश गुरुङ, वर्ष १५ की दिया गुरुङ, र वर्ष १६ की हरिमाया गुरुङ रहेका छन् । घाइते सबै इच्छाकामना ५ निवासी हुन् ।

उनीहरुको पुरानो मेडिकल कलेज भरतपुरमा उपचार भइरहेको प्रहरीको भनाइ छ । बलेरो चालक बर्ष ३५ को दलबहादुर थापामगरलाई प्रहरीले नियन्त्रणमा लिएको छ ।