मंगलबार संक्रमण पुष्टि भएका भक्तपुर दुई जनामध्ये एक पूर्व गृहमन्त्री भीम रावलका सुरक्षाकर्मी रहेको खुलासा

काठमाडौँ –  पूर्व गृहमन्त्री भीम रावलका सुरक्षाकर्मीलाई कोरोना भाइरसको संक्रमण भएको छ। पूर्व गृहमन्त्री भीम रावलको सुरक्षामा खटिने गरेका सशस्त्र प्रहरीका जवानलाई कोरोना संक्रमण भएको छ। उनलाई हाल टेकु अस्पतालमा राखिएको छ।  २७ वर्षीय जवान भक्तपुरको दुवाकोटामा बस्दै आएका थिए।

भक्तपुरमा मंगलबार संक्रमण पुष्टि भएका दुई जनामध्ये उनी पनि एक हुन्।

पूर्व गृहमन्त्री भीम रावलले कोरोना संक्रमण देखिएका सुरक्षाकर्मी एक महिनादेखि आफ्नो सुरक्षामा नरहेको बताएका छन् ।

श्रीमती बिरामी रहेको जानकारी गराएर बिदामा गएका उनी एक महिनादेखि आफ्नो सुरक्षामा नरहेको नेता रावलले बताए ।