उपमेयर शाहको नेतृत्वमा चितवनमा कोरोना अस्पतालको गतिविधिविरुद्ध आन्दोलन, स्थानीय सरकार मानिने उपप्रमूख शाहको नेतृत्वमा लकडाउन उलङ्घनले सिंगो चितवनवासि लज्जित

चितवन, वैशाख। भरतपुर कोरोना अस्पतालको गतिविधिविरुद्ध भन्दै आइतबार चितवनमा नेपाली काँग्रेस निकटको महिला संघको आयोजनामा आन्दोलन भएको छ। सरकारले जारी गरेको लकडाउनको अवज्ञा गर्दै आन्दोलन गरिएको थियो।

आन्दोलनको नेतृत्व भरतपुर महानगरकी उपमेयर पार्वती शाह ठकुरीले गरेकी थिइन्। आइतबार अपरान्ह चौविसकोठीमा कोरोना अस्पतालका गतिविधिविरुद्ध भन्दै गरेको प्रर्दशनमा महानगरको गाडि दुरुपयोग गर्दै प्रर्दशन गर्दा समेत प्रहरी रमिते बन्यो। सरकारी कार्यालयको गाडि हुइक्याउदै शाह आन्दोलन स्थलमा पुगेकी थिइन्। स्थानीय सरकार मानिने भरतपुर महानगरकी उपप्रमूख शाहको नेतृत्वमा भएको लकडाउन उलङ्घनले यतिबेला सिंगो चितवनवासिलाई लज्जित बनाएको छ।

उनी सहभागी कार्यक्रममा अन्य नेता कार्यकर्ता पनि लकडाउन उलङ्घन गरेरै जम्मा भएका थिए। उनिहरुले सामाजिक दूरीसमेत कायम गरेको पनि देखिएन। देश लकडाउनमा रहेर सबै जनता घरभित्रै बसेका र कामकाजमा निस्केकालाई समेत प्रहरीले दुःख दिइरहँदा प्रहरी कार्यालय नजिकै भएको यो घटना चितवनका प्रहरी प्रमूखले नदेखेकै हुन् त भन्ने प्रश्न उठेको छ।

कानून पालना गराउने निकायकै जिम्मेवार पदमा बसेर उपमेयर शाहको नेतृत्वमा लकडाउन उलङ्घन गर्न मिल्छ त भन्दै चितवनबासीले प्रश्न समेत गरेका छन्। चितवन प्रहरीले दिउँसो बिहान घरायसी सामान किनमेलमा गएका र कार्यालय समयमा अफिस आउजाउ गर्नेलाई नियन्त्रण लिएर क्वारेन्टाइन पुर्‍याएको छ। तर, राजनीतिक दलको आडमा नाराजुलुस र प्रर्दशन गर्नेलाई भने देखेको नदेखेझै गरेको छ।